Веем, Господи, яко недостойне причащаюся Пречистаго Твоего Тела и Честныя Твоея Крове, и повинен есмь, и суд себе ям и пию, не разсуждая Тела и Крове Тебе Христа и Бога моего; но на щедроты Твоя дерзая прихожду к Тебе рекшему: ядый Мою Плоть, и пияй Мою Кровь, во Мне пребывает, и Аз в нем. Умилосердися убо, Господи, и не обличи мя грешнаго, но сотвори со мною по милости Твоей; и да будут ми Святая сия во исцеление, и очищение, и просвещение, и сохранение, и спасение, и во освящение души и тела; во отгнание всякаго мечтания, и лукаваго деяния, и действа диавольскаго, мысление во удесах моих действуемаго; в дерзновение и любовь, яже к Тебе; во исправление жития и утверждение; в возращение добродетели и совершенства; во исполнение заповедей, в Духа Святаго общение, в напутие живота вечнаго, во ответ благоприятен на Страшнем Судищи Твоем: не в суд или во осуждение.

На щедроты Твоя дерзая – на милосердие Твое уповая. Святая сия – Святыня эта. Лукаваго – злого. Действа диавольскаго – диавольского воздействия. Мысление во удесах моих действуемаго – действующего через помыслы в моих членах. Возращение – взращивание, возрастание. В напутие живота вечнаго – в напутствие в жизнь вечную.

+ Суд себе ям и Пию, не разсуждая Тела и Крове Тебе Христа и Бога моего…Ибо, кто ест и пьет недостойно, тот ест и пьет осуждение себе, не рассуждая о Теле Господнем(1 Кор.11:29).

Прихожду к Тебе рекшему: ядый Мою Плоть, и пияй Мою Кровь, во Мне пребывает, и Аз в нем. –Ядущий Мою Плоть и пиющий Мою Кровь пребывает во Мне, и Я в нем (Ин.6:56).

От скверных устен, от мерзкаго сердца, от нечистаго языка, от души осквернены, примии моление, Христе мой, и не призри моих ни словес, ниже образов, ниже безстудия. Даждь ми дерзновенно глаголати, яже хощу, Христе мой, паче же и научи мя, что ми подобает творити и глаголати. Согреших поче блудницы, яже уведе, где обитаеши, миро купивши, прииде дерзотне помазати Твои нозе, Бога моего, Владыки и Христа моего. Якоже ону не отринул еси пришедшую от сердца, ниже мене возгнушайся, Слове; Твои же ми подаждь нозе, и держати и целовати, и струями слезными, яко многоценным миром, сия дерзостно помазати. Омый мя слезами моими, очисти мя ими, Слове. Оставити и прегрешения моя, и прощение ми подаждь. Веси зол множество, веси и струпы моя, и язвы зриши моя, но и веру веси, и произволение зриши, и воздыхание слышиши. Не таится тебе, Боже мой, Творче мой, Избавителю мой, ниже капля слезныя, ниже капли часть некая. Несоделанное мое видесте очи Твои, в книзе же Твоей и еще не содеянная написана Тебе суть. Виждь смирение мое, виждь труд мой елик, и грехи вся остави ми, Боже всяческих; да чистым сердцем, притрепетно мыслию, и душею сокрушенною, нескверных Твоих причащуся и Присвятых Тайн, имиже оживляется и обожается всяк ядый же и пияй чистым сердцем. Ты бо рекл еси, Владыко мой: всяк ядый мою плоть, и пияй Мою Кровь. Во Мне убо сей пребывает, в немже и Аз есмь. Истинно слово всяко Владыки и Бога моего: Божественных бо причащайся и боготворящих благодатей, не убо есмь един, но с Тобою, Христе мой, Светом трисолнечным, просвещающим мир. Да убо не един пребуду кроме Тебе Живодавца, дыхания моего, живота моего, радования моего, спасения миру. Сего ради к Тебе приступих, якоже зриши, со слезами, и душею сокрушенною; избавления моих прегрешений прошу прияти ми, и Твоих живодательных и непорочных Таинств причаститися неосужденно, да пребудеши, якоже рекл еси, со мною треокаянным; да не кроме обрет мя Твоея благодати, прелестник восхитит мя льстивне, и прельстив отведет боготворящих Твоих словес. Сего ради к Тебе припадаю, и тепле вопию Ти: якоже блуднаго приял еси, и блудницу пришедшую, тако приими мя блуднаго и сквернаго, Щедре. Душею сокрушенную, ныне бо к Тебе приходя, веем, Спасе, яко иный, якоже аз, не прегреши Тебе, ниже содея деяния, яже аз содеях. Но сие паки вем, яко не величество прегрешений, ни грехов множество превосходит бога моего многое долготерпение и человеколюбие крайнее; но милотию сострастия тепле кающияся, и чистиши, и светиши, и света твориши причастники, общники Божества Твоего соделоваяй независтно, и странное и Ангелом, и человеческим мыслем, беседуеши им многажды, якоже другом Твоим истинным. Сия дерзостна творит мя, сия вперяют мя, Христе мой. И дерзая Твоим богатым к нам благодеянием, радуяся вкупе и трепеща, огневи причащаюся трава сый; и странно чудо, орошаемь неопально, якоже убо купина древле неопальне горящи. Ныне благодарною мыслию, благодарным же сердцем, благодарными удесы моими, души и тела моего, покланяюся и величаю, и славословлю Тя, Боже мой, яко благословена суща, ныне же и во веки.