Во светлостех святых Твоих како вниду, недостойный? Аще бо дерзну совнити в чертог, одежда мя обличает, яко несть брачна, и связан извержен буду от Ангелов. Очисти, Господи, скверну души моея, и спаси мя, яко Человеколюбец.

Во светлостех святых Твоих – в светлом сонме святых Твоих. Како вниду – как я войду? Аще бо дерзну совнити – потому что если я решусь войти вместе с ними.

+ Тропарь обращает нас к Христовой притче о званых на брачный пир – см.: Мф.22:2–14.

Владыко Человеколюбче, Господи Иисусе Христе, Боже мой, да не в суд ми будут Святая сия, за еже недостойну ми быти, но и во очищение и освящение души же и тела, и во обручение будущия жизни и Царствия. Мне же, еже прилеплятися Богу, благо есть, полагати во Господе упование спасения моего.

Да не в суд ми будут Святая сия – да будет мне эта Святыня не в обвинение. За еже недостойну ми быти – за мое недостоинство.

+ Мне же, еже прилеплятися Богу, благо есть, полагати во Господе упование спасения моего – Пс.72:28 (в русском переводе: А мне благо приближаться к Богу! На Господа Бога я возложил упование мое).

Вечери Твоея тайныя днесь, Сыне Божий, причастника мя приими; не бо врагом Твоим тайну повеем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.

Слава Тебе, Боже. Слава Тебе, Боже. Слава Тебе, Боже.

Благодарю Тя, Господи Боже мой, яко не отринул мя еси грешнаго, но общника мя быти Святынь Твоих сподобил еси. Благодарю Тя, яко мене недостойнаго причаститися пречистых Твоих и небесных Даров сподобился еси. Но Владыко Человеколюбче, нас ради умерый же и воскресый, и даровавый нам страшная сия и животворящая Таинства, во благодеяние и освящение душ и телес наших; даждь бытии сим и мне во исцеление души же и тела, во отгнание всякаго сопротивнаго, в просвещение очию сердца моего, в мир душевных моих сил, в веру непостыдну, в любовь нелицемерну, во исполнение премудрости, в соблюдение заповедей Твоих, в приложение Божественныя Твоея благодати, и Твоего Царствия присвоение: да во святыни Твоей теми сохраняемь, Твою благодать принимаю всегда, и не ктому себе живу, но Тебе, нашему Владыце и Благодетелю; и тако сего жития изшед о надежди живота вечнаго, в присносущный достигну покой, идеже празднующих глас непрестанный, и безконечныя сладость зрящих Твоего лица доброту неизреченную. Ты бо еси истинное желание и неизреченное веселие любящих Тя, Христе Боже наш, и Тя поет вся тварь во веки. Аминь.

Общника быти – причаститься. Нас ради – за нас. Даждь быти сим – дай, чтобы они были. Сопративнаго – врага. Очию – очей (родительный падеж двойственного числа). Исполнение премудрости – наполнение премудростью. Приложение –умножение. Присвоение – усвоение, приобретение. Во святыни –здесь: святости, чистоте. Теми – ими. И не ктому себе живу – и живу уже более не для себя (не ктому – уже не).